ПОРТОКАЛОТ

ПОРТОКАЛОТ

Превенција од рак
Високата содржина на витамин Ц во портокалот делува како антиоксиданс, а ова овошје, како и другите видови на цитруси, го содржи соединението наречено Д-лимонел, кое ефикасно го спречува развојот на одредени видови на рак, како што е ракот на кожата, дојките, белите дробови, дебелото црево и устата. Кога станува збор за превенција на оваа болест, дополнителен адут кој го имаат портокалите е тоа што содржат голема количина на калиум.

Го намалува нивото на лошиот холестерол
Еден од најважните флавиноиди кој портокалите го содржат во изобилство е хесперидинот. Истражувањата покажуваат дека истиот го намалува нивото на лошиот холестерол во телото.

Против воспалително дејство
Портокалот е одличен и за намалување на воспаленијата во организмот. Токму ова негово дејство помага во намалување на болката во случај на артритис и вкочанетост на мускулите и зглобовите.

Сјајна кожа
Портокалот и’ дава на нашата кожа прекрасен сјај. Овој ефект се должи на антиоксидансите кои се наоѓаат во него, а кои ја штитат кожата од штетното дејство на слободните радикали, кои пак, го забрзуваат процесот на стареење на кожата.

Против констипација
Портокалите се полни со хранливи влакна кои ја стимулираат работата на системот за варење и помагаат за отстранување на констипацијата.

Правилен развој на мозокот
Портокалите се одличен извор на фолати и на фолна киселина, кои помагаат за правилен развој и функционирање на мозокот.